五十年代餐廳 (已搬遷) 新店位置

經過中環，接到有人派傳單，見到日式餐廳所以上去一試，可能過左食飯時間，唔使等位直接入得！午餐非常多選擇，最後揀左雜錦天婦羅蕎麥麵可能因為即炸關係，等左一陣。真的非常雜錦！有兩隻大海蝦、蘿蔔、蓮藕、南瓜、青椒、茄子等等，睇到已經好開胃！蕎麥麵的配料亦非常豐富齊備，天氣太熱所以揀左凍食，麵質亦非常可口！吃飽了慢慢坐在舒適的大廳中，見到佢有一個吧台同band位，一問之下才知道原來晚上會有live band現場玩，客人可以一齊跳舞，更可以上台唱歌，氣氛著實不錯！好似以前去酒吧上台點唱咁，唔怪得之叫五十年代餐廳！睇黎要搵晚再帶女朋友上黎食完飯玩返晚啦，哈哈！