花木日本料理 (已結業)

因為聖誕唔係香港，就想提前食番個聖誕大餐，見到呢間日本餐廳都有聖誕餐食，就黎試下因為係聖誕餐，所有野食啲裝飾都好靚分量少少地都夠晒開胃，鱈魚柳有少少辣。沙律係紫菜同青瓜，好夾，兩個人食岩岩好然後就到主菜！魚生好新鮮，帶子好甜虎蝦好大隻好鮮甜火炙三文魚入口即溶，好好食，可惜只得一舊，茶漬飯都好驚喜，雖然細細碗，但湯好甜加埋飯一齊食好味裏面啲料都幾多架平時我好少食天婦蘿，不過呢到既我都食到，唔會炸到好乾，鐘意食既人一定要試呢到既火雞竟然係原隻上，師傅會上黎幫我地點火，燒一陣就可以切開黎食。不過兩個人食一隻份量真係有點多，可以點唔同既醬汁食和牛自己用牛油燒黎食，牛油燒好香，燒完包埋蔥蒜黎食，好食！牛唔好燒全熟會好食啲個餐仲有海鮮窩，湯汁吸晒海鮮既精華，連菜都係甜架最後係甜品，有幾種日式甜品可以食到，草莓奶凍好好食，好滿足！