牛知己 (已結業)

經過元朗世宙樓下見到呢間任食火鍋放題，有啲似大型連鎖品牌日式火鍋放題，但係原來呢間係韓式😍🇰🇷套餐有分唔同級別，我哋就揀咗中上級嘅人氣之選，有三種級數牛肉可以揀。加$30就可以揀鴛鴦湯底分別叫咗麻辣鍋拼雪濃湯即牛骨湯🐮第一輪先上兩款靚牛肉澳洲牛板健爽身有口感，而美國極上牛肩肉就牛味比較突出😆美國特產牛肉就大大塊啱晒食肉人士。湯底我反而喜歡鮮甜嘅牛骨湯，麻辣湯略嫌唔夠辣。刺身有三文魚北寄貝同八爪魚，都算鮮甜新鮮👍🏻仲有限定一份海鮮拼盤，可惜唔係任食🙈 之後我哋就出去拎唔同嘅熟食同火鍋配料。熟食出色推介有韓式年糕拼大肉丸，泡菜，天婦羅炸蝦🍤 火鍋配料就有出面比較少見到嘅韓式魚蛋片。總括來說，今次韓式火鍋放題體驗都好值得推介，平時食日式火鍋真係食到好悶。韓式火鍋都做到有質素同驚喜，絕對滿足👍🏻🇰🇷👍🏻最後食埋原味、朱古力乳酪雪糕同芝士餅，圓滿嘅一餐。