韓牛韓式燒烤 (已結業)

同朋友慶祝生日，揀咗呢一間食韓燒。喺網上面見到話有好多嘢食，於是就真係試吓。平日6:00嘅時分，唔使等位就有得入，不過坐到7:00，就已經有好多人。佢嘅選擇真係超級之多！除咗韓燒嘅部份之外，有好多前菜、熟食、小食、刺身、飲品、甜品等等。每樣嘅選擇都超級多！燒肉嘅咁多種肉入邊，我哋最鍾意嘅係牛仔骨，牛仔骨佢嘅牛肉肥瘦分布比較平均，牛味好重。甜品方面都有驚喜，芒果布甸勁多芒果，好足料，椰汁西米糕都勁重椰汁味！我同朋友食咗好多個。