漁品酸菜魚火鍋放題 (已結業)

$275，性價比高，一嚟上刺身，估唔到生蠔同海膽都好ok,四碟小食既蝦多士同鳳爪都係水準之作，酸菜魚係煲上，但只係暖既，移開打邊爐個胡椒豬肚湯底滾返起個酸菜魚之後好食好多，胡椒豬肚湯底係唔夠味，要改善！啲肉丸餃都ok! 但係呢，唔明點解佢哋要趕到一個咁既地步，佢老細係咪要求個客一坐低5分鐘內上嚟所有野？食緊刺身就巳經上哂所有小食湯底同邊爐配料，根本上冇位放，去食放題我可以自己入單控制，呢度係唔理三七廿一攞哂出嚟，呢樣真係好唔ok！如果能夠改善呢樣野就perfect! 應該先上剌身小食，等個客食完上酸菜魚可以煲住食，食完酸菜魚先上湯底同邊爐配料！（其實一次過上哂係咪為左唔比機會人再叫？）