壽喜燒 友 (已結業)

lunch時間既omakase之前都有試過，但壽喜燒既omakase就第一次食，人頭$580，午市都已經好多野食，超級滿足呀！食物咁多就唔樣樣都講啦，主打就緊係壽喜燒，用上3款A4和牛，肉眼，西冷，肩肉，肩肉用佐野菜一齊去慢煮，煮到啲肉味滲透出黎，肉香十足，軟腍既和牛口感好好，超級美味！呢個餐既其他食物同樣好難忘，日本野菜又夠新鮮入味，用壽喜燒汁去煮係最香架，而雞蛋蓋飯就充滿蛋香，滑捋捋既滑蛋撈飯絕對係最佳配搭呀，仲有茶碗蒸又係滑身既蒸蛋，蛋味濃濃，質地好好，味道口感都係滿分！仲有好特別off menu既壽喜燒炒芋絲，雖然無咩其他配料，只係好簡單既壽喜燒汁去炒芋絲，但味道就好香，芋絲煙煙韌韌，口感得意！