海風餐廳 (已結業)

今日同事有喜慶事, 於是大伙兒興致勃勃要食好少少..去食意大利野, 同事們之前食過已經話呢間餐廳比隔離個間'沙x天'仲好食, 今日終於有機會試😋；我地5個人全部都叫了full set lunch； Starter係自助Bar, 其有兩個area, 最喜愛既係迷迭香煙燻豬肉, 豬肉唔太鹹而加上外面既迷迭香既有口感又有香味👍🏻, 第二愛係芝士條非常鬆脆, 芝士味剛剛好又唔無油羶味同唔會成手指油；蘑菇湯當然無得輸；主菜我選擇左牛仔肉,牛仔肉本身普普通通,但它底下既薯泥真係不得了, 原本諗住食兩咁去留肚再食starter..但薯泥好滑好香而且黏黏的..不知不覺食曬😝；甜品最好食係芝士卷,佢出面那層少少甜既餅,咬落有少少酥皮既感覺, 內裡既淡芝士不膩,成件事好夾好清新👍🏻...另外Tiramisu 同cream brûlée 都好好食😋,呢餐晏真係好滿意！