譽小館 (已易手) 新餐廳

向醫院餓左一日，唔理咁多，要食野啦！去左伊間餐廳食野，本來想剩係食件點心，點知個下午茶好似好正，所以一試。柱候牛腩河好濃郁！香港好興清湯腩，其實柱候腩咪仲好食。牛腩好腍身，一層肉一層筋，好正！柱候味濃，食完又唔覺口渴。韭黃好多好香。兩盎點心又有特價，特別欣賞佢嘅叉燒腸粉，非常之滑。叉燒都好多，鼓油甜咸適中。燒賣熱辣辣，新鮮出爐。我覺得向度食野另外一個好處係環境較清靜，好小可有飲茶嘅地方可以安安靜靜咁飲啖茶，姐姐服務又熱心之餘唔會煩住你，可以舒舒服服咁過一個下午。