圓鐵板燒 (已結業)

依家間鐵板燒成日經過都想試見到，次次都好多人。今日好彩等咗一陣就有位，我哋食揀咗個比較豐富嘅套餐，咩都有，可以一次過試多樣食物。二人套餐有三種牛、仲有海鮮。套餐基本上咩都有只係$738 兩位。呢個平價價錢，但係亦都可以即場欣賞師傅為你製作食品。牛肉有日本、澳洲、美國三個唔同地方。分別係日本和牛、澳洲和牛及美國安格斯牛。師傅燒嘅牛恰到好處，日本和牛最好食😋肉質靚，又夠香。澳洲和牛都唔錯，肉質亦都相當幼嫩。美國安格斯牛充滿牛香又夠多汁。比目魚非常厚，只係少少鹽同胡椒嘅調味就好夠。鮑魚每人有一隻，而且幾新鮮。仲有爽口嘅蝦。套餐仲有炒菜、炒飯及湯。最後仲有蛋糕做甜品。