哈豆

營業中

休息中

見到openrice好評如潮，就試試佢🌱一出電梯左邊就係大門，搵都唔洗搵。聖誕節一早黎到，仲係好靜，張枱大大張，唔會唔夠位放野食。🍽 豐盛台灣牛肉湯麵 $76大大碗，一睇就見到好多料，真係豐盛架，岩曬鐘意食唔同餸既人，有牛肉筋、牛展、牛肉丸、貢丸、花枝丸、半隻蛋、生菜。牛肉同牛展都好冧，完全冇牛膻味。牛肉丸入面仲有牛筋粒，真材實料。麵就有點點失望，不是煙煙韌韌那種。湯底是正常既牛肉湯麵，都唔錯，不過不失。最後成碗清曬乾乾淨淨冇剩。🍽 青蛙撞奶 $18青蛙撞奶係台灣名黎，正式係黑糖珍珠牛奶，估唔到堂食都直出外賣杯，雖然冇咁環保，但其實衛生咗，仲可以拎住走，岩曬成日飲唔曬杯野飲既朋友。味道方面同預期既一樣，係我鐘意既味道。