影片
更多
2022-03-25
42 瀏覽
數數手指，以前有不少於九年嘅時間經常喺卓爾居出沒，一排冇去，發覺2樓多咗新餐廳。一於就外賣手撕雞返屋企食。雞都有兩款，一個係正常手撕雞，另一個就採用清遠雞。清遠雞由於成長日子較耐，肉質比較結實，有咬口，雞味較濃。就咁睇相，清遠手撕雞比較深色。手撕雞真係好適合懶人，啖啖肉。非雞髀位肉質都嫩滑。雞有雞味，聽起上嚟好似廢，相比出面食嘅雪藏味手撕雞實在出色得多，唔需要多加調味。和味口水醬係麻醬同辣醬嘅混合體，第一次食咁嘅醬，長知識，遲啲喺屋企都自家製先。由於雞本身有雞味，所以唔需要多點醬。醬都係留返日後食。另外一個小驚喜係蔥油做得好出色，啲蔥同埋姜切得比較大粒，係食到啲蔥，唔會只係得油。蔥油真係好香，拌飯一流。雙拼小食選擇多，唔辣嘅有海蜇、鳳爪、豬肚、豬耳、雞腎，仲有啲比較少見嘅例如，小冬菇同醬油冬筍。最後選擇麻辣豬肚，鳳爪。呢度嘅麻辣比較易入口，似小辣嘅程度，辣味好香，相對唔係太麻。食外賣都要食得健康，二人餐有紹菜同靚湯。是日靚湯係家庭feel豬骨粉葛湯，冇味精。飲品方面，金桔奇亞籽水晶蜜好清新，有淡淡柚子味。水晶蜜好似蘆薈嘅口感。樽仔奶茶有驚喜！茶味濃而唔澀，口感絲滑。外賣當日係星期四，都
雞都有兩款，一個係正常手撕雞，另一個就採用清遠雞。清遠雞由於成長日子較耐，肉質比較結實，有咬口，雞味較濃。就咁睇相，清遠手撕雞比較深色。
手撕雞真係好適合懶人，啖啖肉。非雞髀位肉質都嫩滑。雞有雞味，聽起上嚟好似廢，相比出面食嘅雪藏味手撕雞實在出色得多，唔需要多加調味。
清遠手撕雞
25 瀏覽
0 讚好
0 留言
和味口水醬係麻醬同辣醬嘅混合體，第一次食咁嘅醬，長知識，遲啲喺屋企都自家製先。由於雞本身有雞味，所以唔需要多點醬。醬都係留返日後食。
另外一個小驚喜係蔥油做得好出色，啲蔥同埋姜切得比較大粒，係食到啲蔥，唔會只係得油。蔥油真係好香，拌飯一流。
雙拼小食
7 瀏覽
0 讚好
0 留言
雙拼小食選擇多，唔辣嘅有海蜇、鳳爪、豬肚、豬耳、雞腎，仲有啲比較少見嘅例如，小冬菇同醬油冬筍。最後選擇麻辣豬肚，鳳爪。呢度嘅麻辣比較易入口，似小辣嘅程度，辣味好香，相對唔係太麻。
食外賣都要食得健康，二人餐有紹菜同靚湯。是日靚湯係家庭feel豬骨粉葛湯，冇味精。
飲品方面，金桔奇亞籽水晶蜜好清新，有淡淡柚子味。水晶蜜好似蘆薈嘅口感。
樽仔奶茶有驚喜！茶味濃而唔澀，口感絲滑。
外賣當日係星期四，都見到唔少人嚟買。喺仲未有得食晚市堂食嘅時候，買返去加餸定係買二人餐都係唔錯嘅選擇。不過溫馨提示：二人餐實在太豐富啦，兩大袋嘢食，好重。
張貼
