龍門棧 (已結業)

一個臨近母親節既早上，緊係要帶阿媽黎嘆翻個豐富既早茶啦！灣仔地鐵站行過黎，好方便，好快到。呢度環境好正啊！我地叫左壺好特別既荔枝紅茶，聞起黎好香荔枝味啊，飲落荔枝味又淡翻d，紅茶味道又香又濃，我地都好中意呢壺茶。呢度既點心款式都好多，而且好特別。呢個係百花蒜香海膽春卷，賣相勁吸引，係我見過最特別既春卷啊，海膽新鮮，鋪係鮮炸既春卷上面，估唔到味道都甘夾啊！至於呢個日本鰻魚香煎粢飯都好有特色嘎，鰻魚上面重有金箔做裝飾，望落去勁高貴啊！韮王鮮蝦腸我摯愛，腸粉又透又滑，鮮蝦又大又新鮮!泰國鮮露筍蝦餃皇，正! 抵食!