魔膳廚房 (已結業)

昨日去完觀塘廣場買完電腦用品後見肚餓就搵下附近有咩餐廳醫肚。平時都知道觀塘嘅工廠大廈有好多樓上餐廳，經過開源道見到有棟工業大廈正門有個好光猛嘅入口就入去睇下，原來喺一間餐廳嘅入口嚟，心郁郁就上去睇下。門口有個好靚嘅花花background就試下啦。入到餐廳已見到一個沙律bar同少量甜品,  店員話跟餐加$38 就可以任食。先點了2個餐湯，德國烤豬手同店長推介自家製海膽汁海鮮意粉後就去夾沙律慢慢嘆。沙律食了一半意粉就來了，上菜嘅速度都好快。意粉個醬汁相當香濃，淡黃色嘅醬汁食落好重海膽嘅香味帶有少少甜味還有隻大大隻蝦同其他海鮮配料，味道不錯。到烤豬手來了，份糧都頗大件配黑椒汁同脆脆薯角。平時食開炸豬手個皮炸到脆脆地較硬身，今次呢個有dd特別，皮仲保留軟身QQ的好有口感。最後叫了杯玫瑰蜜花茶同咖啡，飽飽地抱腹回家。