棋子燒鵝 (平田商場)

營業中

休息中

棋子燒鵝今日約咗個喺外國返嚟嘅朋友，帶咗佢嚟食燒鵝。棋子燒鵝真係令人食過返尋味，今日一於帶佢過嚟試吓，回憶一下香港美味食物。我哋叫咗個二人套餐，食物豐富，選擇又多。二人套餐 $2181棋子燒鵝 例牌燒鵝一直都係呢間店舖嘅招牌菜，非常高質。燒鵝外皮香脆，肉質好滑，充滿和油香，非常出色。另外仲帶有陣陣炭燒風味，唔係度度食到，好特別。2單拼燒味例牌(肥义)套餐仲可以揀另外一樣燒味，我哋揀咗肥叉。叉燒外皮佈滿蜜汁，甜絲絲，而且燒到焦脆，香噴噴。肥叉燒肉質鬆化，油脂感十足。3郊外油菜 蔬菜好新鮮，今日供應係菜心，菜心白烚，上面有蠔油作調味。呢個晚飯配搭非常好，均衡飲食。4白飯/瀨粉煮食方面，可以揀白飯或者瀬粉。兩款都大大份，瀨粉好滑，帶點咬口。5 奉送老火靚湯今日提供嘅係花生眉豆雞腳湯，老火湯好足料，飲落好滋潤，味道濃郁。6冷檸茶熱飲品飲品方面，都附送兩杯，我哋揀咗凍檸茶同熱檸茶，紅茶味香濃，正。