豊勝手丼 (已搬遷) 新店位置

餐牌都係彩色，好難選擇，好彩可以同朋友share一齊食，可以試多D唔同野。🥢每個丼飯都會有面豉湯同前菜，面豉湯唔會太咸，沙律都幾新鮮。🍱五品丼 $268三文魚+油甘魚+赤蝦+活帶子+日本海膽刺身整齊甘排滿飯面，三文魚夠肥美，油金魚厚實。赤蝦好粗好大隻，雖然無甜蝦鮮甜，但夠哂嫩滑。帶子肉厚，中間夾著檸檬片，感覺清新。日本海膽，味道比韓國海膽更濃郁鮮甜。🍱雲丹丼 $238原板韓國海膽+碎蔥吞拿魚腩碎蔥吞拿魚腩份量好多，厚厚甘將珍珠飯完全覆蓋，食落新鮮無腥味。韓國海膽原板上，鮮橙色食落感覺濃郁，部分食落微微甘味，部分則鮮甜。