豚組 (已結業)

一知道旺角開左豚組就已經好想去試, 宣傳單上睇到佢既lunch好平, 所以佢開左無耐之後某個星期六下午就去食la十二點多就黎到, 得一枱人食緊乍, 點解甘少人既?睇menu, lunch真係好抵食呢, 有d連埋加一都係六十零蚊, 不過唔包野飲的要左個吉列白豚定食, 一個吉列雞扒定食, 再要多個雜錦三文治芝麻好快送上, 可以自己磨,幾得意, 但磨左好耐先有個雞扒定食黎~飲啖麵豉湯, 無特別~ (真係未飲過可以叫做好飲既麵豉湯, 如果有人知邊度有得飲請告訴我!) 椰菜絲好多, 可以點柚子醬汁或者wasabi醬汁食, 前者好清新開胃, 後者就好惹味! 我兩樣都鍾意! 拎黎撈飯食都ok ga!吉列雞扒好好食, 好嫩滑! 白豚都唔錯, 但有少少 “鞋”, 比起上黎雞扒真係無得頂! 吉列雜錦三文治就好一般了, 比較好食既都係豚肉~ 呢個三文治大家可以唔駛叫!我幾欣賞呢度既炸物, 唔會好油, 最重要既係皮同肉唔係分離, 非常好!服務都唔錯,好有禮貌, 會好細心甘介紹食物同教你磨芝麻埋單個時都仲係無咩人食, 一半位都坐唔夠, 不過可能個時開張無耐, 未有好多人知卦?門口個度有個外賣專櫃, d價錢都好平