北海道十勝豚丼 (已結業)

女人街真係卧虎藏龍既地方! 好多好野食. 所以特登同男友仔黎搵食!搵到呢間食豚肉既鋪頭, 又係個句, 見人多, 羊群心理, 一定無衰.坐低後, 睇睇MENU, 真係樣樣都係豬!見招牌係十勝烤薄豬扒飯, 更係唔會錯過! 男友仔點左呢個, 咁我就點左滑旦吉列豬扒飯.另外加左小食網燒汁墨魚咀. 侍應話巨峰提子梳打買一送一, 所以我地都唔執輸!十勝烤薄豬扒飯 - 呢個果然係招牌菜. 豬扒簿簿的, 比肉片大少少, 但好淋, 網燒汁好夠味, 淋上面岩岩好, 而且份量都唔少. 有好多塊呢!滑旦吉列豬扒飯 - 應該改名叫洋蔥豬扒飯呢! 洋蔥多過旦好多. 豬扒雖然夠淋, 但賣相唔多好, 裡面黑黑地. 感覺唔係好新鮮. 旦都唔太滑. 加上個飯無汁, 好Dry, 所以最後叫侍應俾左d燒汁我地先好返d.墨魚咀 - 汁還汁, 墨魚咀還墨魚咀, 基本上墨魚咀係無味, d味入唔到, 只係得個咬字. 但因為個汁好香, 所以都食晒巨峰提子梳打 - 正正常常, 無乜特別話明係豚肉飯專門店, 點可以只得招牌飯好食而其他豚肉飯唔惦呢?另外, 今日忘了帶相機, 只能用手機既拍攝功能, 所以質素異常唔好....