影片
更多
2014-06-22
7688 瀏覽
原本打算母親節帶爸爸媽媽黎米芝蓮2星既阿一海景飯店，但係早幾日訂位已經話full booking, 咁就順便問下book得父親節未。到5月尾就收到電話，話要3日內落訂先confirm booking. 同時亦email左父親節午餐套餐比我睇。我想咁認真要落訂，應該都好full. 但係，父親節當日，1點15分到，地方不算太大，但只有圍住窗邊既枱坐滿，中間既枱就未有客人。原本諗住當日只提供套餐，原來都可以散叫。不過一早已諗住食套餐，又唔想諗，所以繼續叫$388一位既套餐。其實呢個套餐都算抵，有點心，有餸，有飯又有甜品，總共14樣，食完真係好飽！黎到阿一海景飯店，當然要試鮑魚啦！不過，我地只係試左鮑魚酥咋！散叫都要68蚊一隻架！原隻鮑魚上，鮑魚都有3分2支牙籤咁長架！除左鮑魚酥，個套餐仲有其他點心。由於點心差不多一齊上枱，令到我地好趕咁食食食，未能慢慢享受。不過，整體點心不算特別出色，相對一星既龍景軒就有一段距離。阿爸阿媽邊食邊比較，仲好回味上次食龍景軒既點心。因為點心上得太急，所以請侍應慢一慢跟住既餸。終於，我地可以慢慢品嚐米芝蓮2星既味道。跟住既湯，鱸魚，刺參鵝掌同炒飯都好味，果然名不虛
原本諗住當日只提供套餐，原來都可以散叫。不過一早已諗住食套餐，又唔想諗，所以繼續叫$388一位既套餐。其實呢個套餐都算抵，有點心，有餸，有飯又有甜品，總共14樣，食完真係好飽！
黎到阿一海景飯店，當然要試鮑魚啦！不過，我地只係試左鮑魚酥咋！散叫都要68蚊一隻架！原隻鮑魚上，鮑魚都有3分2支牙籤咁長架！
除左鮑魚酥，個套餐仲有其他點心。由於點心差不多一齊上枱，令到我地好趕咁食食食，未能慢慢享受。不過，整體點心不算特別出色，相對一星既龍景軒就有一段距離。阿爸阿媽邊食邊比較，仲好回味上次食龍景軒既點心。
因為點心上得太急，所以請侍應慢一慢跟住既餸。終於，我地可以慢慢品嚐米芝蓮2星既味道。跟住既湯，鱸魚，刺參鵝掌同炒飯都好味，果然名不虛傳。不過，明明話燉螺頭花膠條，成碗湯都搵唔到花膠條，有D失望羅！
其實食到炒飯已經非常飽，但係仲有甜品喎！有雪糕三文治，生磨蛋白杏仁茶同百子千孫。睇餐牌時，唔知百子千孫係咩，原來係壽包。3種甜品都好味，不過似乎太多啦！
食飽飽已經差不多3點啦！人客只剩番兩三枱。望望窗外既環境，真係覺得好舒服。當然，除了食物既質素，服務和環境都好重要。阿一既服務算不差，環境亦好，所以間中一次豪一豪都可以既！不過，我覺得無論响食物，服務同環境同一星仲有段距離，阿一要繼續努力！
張貼
