影片
更多
2009-07-08
13 瀏覽
來過三六零一兩次，從來唔知道原來有一個美食廣場的。同事話食過話幾好食，於是lunch time就走左去，原來就係係個超市上面。一上到去就即刻心知不妙...好似返左美國咁樣，有deli，有墨西哥burrito，有美國式東南亞野，亦都有鬼佬唐餐。如果我係鬼佬應該會好開心，又如果我未出過國可能我唔會識驚，只可惜我就偏偏係一個出國讀書的香港人...令我諗返起美國飯堂啲野食，勁想嘔...不過冇計啦，唯有照食-_-。去左東南亞部叫了一個shrimp pad thai，係已經一早整定擺晒出來，你叫既時候佢會畢落隻碟到跟住同你叮一叮熱佢，最後再同你加啲花生呀，蒜片等等。雖然係大大碟，但六十幾蚊食food court真係肉痛...仲要唔肯畀杯水我，一定要逼我買-_-。其實碟野除左大之外，真係可以話一無是處。所謂的蝦只係幾隻細細粒的蝦仔，唔新鮮唔爽口。粉唔係太林，都可以的但係就炒到一舊舊。味道就差得不能再差，面頭有啲好似茄汁既野，食落又酸又超級咸，好難食。冇high到個啲汁既粉就冇咩味道，又唔甜，又唔酸（就算隻汁啲酸味係好假好酸的味道，唔係青檸的個種清新酸味）...真係除左「難食」之外，冇第二個更貼切的形
去左東南亞部叫了一個shrimp pad thai，係已經一早整定擺晒出來，你叫既時候佢會畢落隻碟到跟住同你叮一叮熱佢，最後再同你加啲花生呀，蒜片等等。雖然係大大碟，但六十幾蚊食food court真係肉痛...仲要唔肯畀杯水我，一定要逼我買-_-。
其實碟野除左大之外，真係可以話一無是處。所謂的蝦只係幾隻細細粒的蝦仔，唔新鮮唔爽口。粉唔係太林，都可以的但係就炒到一舊舊。味道就差得不能再差，面頭有啲好似茄汁既野，食落又酸又超級咸，好難食。冇high到個啲汁既粉就冇咩味道，又唔甜，又唔酸（就算隻汁啲酸味係好假好酸的味道，唔係青檸的個種清新酸味）...真係除左「難食」之外，冇第二個更貼切的形容詞...。係我今個暑假食過最最最難食既野，仲要六十幾蚊真係虧佢收得落咁既價錢，講真即使係廿幾蚊我一樣會畀喊臉...。
同事們的野食都唔係好得去邊，五十幾蚊一碗河粉...-_-，計我話成個food court唯一可以食的應該係間XTC gelato...。起初覺得依度好似美國 -- 野食大大碟，經營手法差唔多，serve既食物又好似...但其實都唔係似得十足十，因為依度啲野食仲難食過美國個啲...-_-。
張貼
