Emporio Antico (已結業)

灣仔是我地頭，有新店我都會留意，曾經去過買魚子醬的食品店現在兼營餐廳，碰巧拍檔又話今日想食餐好，我就建議來呢處－Emporio Antico。代理的食品無寶不獲，如黑寶石的黑松露及魚子醬是鎮店招牌，意大利陳醋如酒一樣月老越好，呢度有賣25至150年，知道食豪華午餐可以試到25年意大利陳醋，咁就這樣決定。頭盤先來魚子醬及三文魚子，擺設得很美，非常有鮮味。跟著是西班牙伊比利亞火腿及36度溫泉蛋，蛋香原來同火腿很夾。第三款是南瓜湯配麵包，其實主角是麵包及陳醋，供應橄欖油及兩款陳醋，先試普通果款冇乜問題，但試埋25年嗰款就覺得分別好大，返唔到轉頭，順好多！第四款加錢可以吃到松露，本身係蘑菇芝士醬意粉，醬汁麵條都做得好，味道非常濃郁但忌廉冇太多，啱晒我。主菜我選集安格斯牛肉，半成熟，粉紅色，煮得很嫩，肉肥美。今日甜品是朱古力布朗尼配雪糕，有高級餐廳水準。最後杯咖啡都好有水準。呢間店並非普通的高級食品店咁簡單，煮出嚟的食物很有水準，完全同高級餐廳冇分別，一個字正。