影片
更多
2019-10-24
27 瀏覽
秋風起，天氣都開始轉涼，雖然仲未到一年最凍嘅時候，但已經開始心思思想食暖粒粒嘅邊爐。聼朋友介紹話觀塘呢邊有閒海鮮粥底火鍋，又好味又抵食，我見近近地一於黎試下味道。呢閒餐廳都唔太難搵，響觀塘一幢工廠大廈的地面鋪頭，入面又估佢唔到幾大bor，加上去得早，人唔多，好闊落，坐得幾舒服。裝修方面就走懷舊風，墻上貼滿曬大大張濃濃香港特色嘅街景相，幾得意。問下老板，先知道原來佢地朝早係360冰室黎，夜晚就變成左呢間火鍋店～～入正題，講番食物方面，有個抵食嘅海鮮套餐，每位除咗有幾種貝殼，鮑魚，蝦，魚，自己仲可以揀一款主要海鮮，海蟹定龍蝦，定或兩款都要曬。d海鮮又大又甜，出面買根本都買唔到呢個價錢，真係抵到當。跟住每台可選擇8款火鍋配料，竹蔗水及各款飲品任喝。我自己就揀咗海蟹，因爲平時都唔係太捨得吃，但又好中意食wor。總體黎講D海鮮好新鮮，蝦爽口彈牙，貝殼類都好友鮮味，海蟹D海水味零舍突出，雖然肉就唔太多，但比其他海鮮仲要鮮甜。比較好嘅位係呢到有個牌仔比你，Mark低曬唔同海鮮淥嘅最佳時間，唔會淥到太老太鞋，再加上用粥去做個鍋底，令到海鮮更加滑溜，再加上有個牌仔Mark低曬唔同海鮮淥嘅最佳時間，海鮮食
呢閒餐廳都唔太難搵，響觀塘一幢工廠大廈的地面鋪頭，入面又估佢唔到幾大bor，加上去得早，人唔多，好闊落，坐得幾舒服。裝修方面就走懷舊風，墻上貼滿曬大大張濃濃香港特色嘅街景相，幾得意。問下老板，先知道原來佢地朝早係360冰室黎，夜晚就變成左呢間火鍋店～～
入正題，講番食物方面，有個抵食嘅海鮮套餐，每位除咗有幾種貝殼，鮑魚，蝦，魚，自己仲可以揀一款主要海鮮，海蟹定龍蝦，定或兩款都要曬。d海鮮又大又甜，出面買根本都買唔到呢個價錢，真係抵到當。跟住每台可選擇8款火鍋配料，竹蔗水及各款飲品任喝。我自己就揀咗海蟹，因爲平時都唔係太捨得吃，但又好中意食wor。總體黎講D海鮮好新鮮，蝦爽口彈牙，貝殼類都好友鮮味，海蟹D海水味零舍突出，雖然肉就唔太多，但比其他海鮮仲要鮮甜。比較好嘅位係呢到有個牌仔比你，Mark低曬唔同海鮮淥嘅最佳時間，唔會淥到太老太鞋，再加上用粥去做個鍋底，令到海鮮更加滑溜，再加上有個牌仔Mark低曬唔同海鮮淥嘅最佳時間，海鮮食起身就自然更加好味，更加滑溜。
食完海鮮，店員就過黎落專門煮個粥底嘅配料，有南瓜蓉同芋頭粒。火鍋配料方面就大路野，不過不失，抵讚嘅係豬潤，老實講句呢個食材除咗本身靚唔靚之外都好考技術下，我第一次淥就失敗咗，淥得太耐太老太柴就唔多好食，但第次我就專程請教咗呢到嘅阿姐應該點把握淥豬潤嘅時間，出來效果同第一次一個天一個地，又爽口又滑嫩，豬潤特有嘅香味認真夠濃，好好味。
食曬所有火鍋配料，最尾就梗係要嘆下呢個粥。阿姐放入小小鹽，蔥，芫茜同菜脯就基本上煮完，碗粥真係無得頂，煮得又綿又滑，索曬所有食材嘅精華，特別係海鮮嘅鮮甜味，再加上中途落嘅南瓜蓉同芋頭粒都帶小小嘅香甜味道，令到碗粥極之好味，鮮甜味十足，我都忍唔住食咗成三碗先滿足。
總括而言，呢閒海鮮粥底火鍋真係值得推薦，兩百幾嘅海鮮套餐，又好味又飽肚，中意食海鮮嘅朋友可以黎試一試，包你冇失望。
張貼
