千樂燒味餐室 (已結業)

約朋友去sogo買嘢，之後又去行街，行行下就見到呢間燒味店。我地一行6個人，咁啱見到有位我地就入去食。叫咗都頗多嘢食，幾乎樣樣燒味都試勻過。一共有燒鵝脾，叉燒，燒豬，油雞脾，口水雞，手撕雞，好鐘意佢套餐配嘅蒜香青瓜。甜辣嘅醬汁配清新嘅青瓜，真係好夾。我地一人一兩舊好快食完。咁多款呢我就覺得燒豬同燒鵝最好食啦，兩樣都係熱辣辣咁上枱，燒豬皮好似薯片咁脆，肉質香嫩多汁。燒鵝就食落肥美啲。老闆娘幾熱情，都會過嚟同我地介紹返佢地嘅燒味。最後我買咗一樽蒜香青瓜嘅醬汁，唸住可以返去自己整。