影片
更多
2019-07-07
536 瀏覽
2019年7月2日 星期二慶祝成功考車既第二個慶祝活動就係去瘋狂食甜品！！係網上面一早見到呢間甜品店好似唔錯，材料係由日本運送過黎既，所以就算遠一d喺中環都專登行過嚟凍櫃擺放左好多唔同款嘅甜品，每一款都靚到好似珠寶首飾咁閃閃令，樣樣都好想試下，最後我同女朋友決定豪氣一次每人點三款再share食！！揀好咗甜品之後原來裏面有地方可以坐低慢慢食，唔一定係要自取拎走。裡面都坐得幾舒適，裝修得好少女風，女朋友即時心心眼甜品等左冇耐之後就送到上嚟，首先左邊嘅係半熟芝士蛋糕，感覺好軟熟，一入口已經融左，散發住好濃嘅芝士味。至於中間既係紅莓吉士盒，面頭係焦糖燉蛋上面果塊焦糖黎，吉落去同吉士一齊食又幾配合，而出面個盒其實係焗左既麵包，我估係用黎中和返吉士既甜右邊叫做紫醉金迷，其實係紫薯蛋糕，感覺到用咗好多紫薯去整出嚟，唔係啖啖都係紫薯味，甜而不膩，上面仲有粒藍莓帶出少少酸以為已經完？仲有多三款甜品呀！！左手邊係小紅帽櫻桃酒朱古力蛋糕，外型真係好似小紅帽咁有塊紅色朱古力係頂，中間既朱古力蛋糕融合咗櫻桃酒，不過食落去又冇酒味，只有淡淡嘅櫻桃甜味，朱古力既苦味幾夾。中間嘅係心型野莓蛋糕，同個名一樣外型係心型，
慶祝成功考車既第二個慶祝活動就係去瘋狂食甜品！！
係網上面一早見到呢間甜品店好似唔錯，材料係由日本運送過黎既，所以就算遠一d喺中環都專登行過嚟
凍櫃擺放左好多唔同款嘅甜品，每一款都靚到好似珠寶首飾咁閃閃令，樣樣都好想試下，最後我同女朋友決定豪氣一次每人點三款再share食！！
揀好咗甜品之後原來裏面有地方可以坐低慢慢食，唔一定係要自取拎走。裡面都坐得幾舒適，裝修得好少女風，女朋友即時心心眼
甜品等左冇耐之後就送到上嚟，首先左邊嘅係半熟芝士蛋糕，感覺好軟熟，一入口已經融左，散發住好濃嘅芝士味。
至於中間既係紅莓吉士盒，面頭係焦糖燉蛋上面果塊焦糖黎，吉落去同吉士一齊食又幾配合，而出面個盒其實係焗左既麵包，我估係用黎中和返吉士既甜
右邊叫做紫醉金迷，其實係紫薯蛋糕，感覺到用咗好多紫薯去整出嚟，唔係啖啖都係紫薯味，甜而不膩，上面仲有粒藍莓帶出少少酸
以為已經完？仲有多三款甜品呀！！
左手邊係小紅帽櫻桃酒朱古力蛋糕，外型真係好似小紅帽咁有塊紅色朱古力係頂，中間既朱古力蛋糕融合咗櫻桃酒，不過食落去又冇酒味，只有淡淡嘅櫻桃甜味，朱古力既苦味幾夾。
中間嘅係心型野莓蛋糕，同個名一樣外型係心型，附近仲有幾粒野莓，一齊放落口有少少酸酸地，但之後就感覺到甜味
最後右手邊係朱古力味脆脆泡芙，泡芙好大個，上面仲有一塊朱古力，個朱古力曲奇皮焗得好脆，而裡面係朱古力味吉士，成個甜品由頭到尾都好朱！！
食完真係好滿足，但諗起之後又要做返相應既運動量就好痛苦。。。
張貼
