竹園海鮮飯店 (已結業)

今天一行五人，叫了象拔蚌一隻（自己白灼）、東星斑（斤零）、避風塘賴尿蝦（大概兩隻）、上湯龍蝦（一隻）、豉椒炒花甲蜆、一個牛展和一碟菜。白灼象拔蚌自不然鮮甜，輕輕一灼，入口爽脆，陣陣海鮮鮮味湧入口腔。東星斑蒸得稍為不夠，肉入面重有少少生，但肉質鮮嫩加埋魚既鮮味補番數。賴尿蝦十分好肉，兼且有膏，十分之正。龍蝦都幾好肉，火候唔錯。花甲蜆就一般，有Ｄ重有沙添，個豉椒汁少少偏辣。其他送菜都ＯＫ啦。呢間出品水準真係幾妳，但價錢唔平，正如Ｄ人話：「欲食海上鮮，不惜腰間錢」，真係一分錢一分貨。