甜戀人 (已結業)

夜麻麻想食甜品，黎到呢間甜戀人，見門口都幾多人等位，諗住都無死啦，點知中伏了……推門入去諗住攞位啦，店員即刻叫返出去等，有位會叫。出面n咁多人等緊，唔派飛真係記得邊個黎先？後來發現大部份都係friends，唔怪得唔使排啦。終於等到位，舉手n次都無人理。唔係店員多野做，係佢地忙住吹水啫。落單唔夠十秒就黎嘅凍香芋椰汁西米露 （$20）勁悕加無味，芋頭未煮淋，十分失望。等左半個鐘先黎嘅焗香芋西米布甸 （$24）好細個，甜度適中，但並不香滑，連茶樓嘅水準都及唔上。而且份量只有三四口，好唔抵。埋單收錢位女店員找錢個陣係掉落枱，完全無禮貌可言。只能說句我沒下次了。