釣魚翁 燒鵝．海鮮飯店 (已結業)

周末晚揾個人少又可以坐得耐慢慢食嘅地方真係唔容易，有朋友建議去完西貢行山去馬鞍山打邊爐。呢個釣魚翁平時燒鵝最出名，但今次我地食任食打邊爐。加28蚊先來個麻辣雞煲，味道當然夠麻又辣，以為普通港式打邊爐啦，點知錯哂！跟住侍應上埋靚牛脊肉，成個兵乓波咁大有兩隻蝦嘅水餃皇，跟住...有中蝦、蟶子、蜆同鮑魚，好鬼新鮮，其他火鍋料當然多選擇同新鮮啦。同場汽水沙律小吃任攞。服務又好，環境又舒服，由7點坐到11點，做街坊生意，可以慢慢嘆！