櫻田日本餐廳

今日係38婦女節，同同事食lunch , 揀左帝都酒店嘅櫻田，因為有同事食過話幾好味。入到去環境都唔錯，坐得幾舒服，但一打開menu 嚇親，道道菜都300起跳，真係好貴，如果知咁貴應該唔會揀。最後我地點左set, 餐前沙律味道普通，但係波士頓龍蝦好好食，肉質鮮美彈牙，而厚切同薄切牛都好香牛味，個人就鍾意厚切，比較香口，跟餐嘅烏冬就麻麻，淡而無味，而甜味cheesecake 普通，唔算勁好食。另外仲點左個雜錦刺身，有8款刺身，其中最欣賞有海膽, 三文魚同甜蝦。喱道嘅海鮮同牛都好好味，但價金方面實在太貴。