The Yell-Owl Cafe (已結業)

個人做野做到燥燥地，食餐好嘅真係好舒壓，最憎就係人地迫我食啲唔中意食嘅野！係通菜街兩邊都有野食，隨便揀。見到呢間the yell owl cafe裡面舒服企理，就入左黎。好，坐低睇下有咩好食先。Super owl set，選左半隻龍蝦，見到呢個all day breakfast，心情都靚靚。龍蝦紅卜卜，有肉仲有蝦膏，半隻開左邊容易處理，啱晒我呢啲懶精。Egg benedict，係我超級至愛，切開裡面個蛋黃流呀流夾住中間仲有炸包包，一啖食到好豐富好多層次。最最至愛大啡菇，又厚肉，切落去都feel到啲汁包住係菇身，一咬落去啲菇汁爆岀黎果下唔講得笑！Passion of yell，熱情果汁酸一下甜一下，好有feel。