影片
更多
2010-03-20
30 瀏覽
家人都知道小弟唔鐘意生日大肆鋪張所以話只係食餐飯就算點知上菜先知道唔係話食餐普通飯咁簡單而係一餐都幾富豪o既一餐...世上只有爸媽好地點:家人都一早到逹, 小弟後join間鋪位於灣仔舊街巿對面, 因為少弟唔熟對面海而且間鋪個門面都唔係話好顯眼所以都搵得小弟一陣陣不過走o既時候發現如果識路的話其實灣仔站B3一出,行唔洗兩分鐘就到環境:鋪面係地下, 但原來營業係一樓有知客姐姐幫你按lft上樓, 都幾過隱好有傳統大酒樓o既感覺但上到去一啲都唔似大酒樓(咁老套)裝修唔係話非常靚但都feel到係做中高級餐館路線環境都算憩靜舒適食物:頭盤---海蜤 : 小弟鐘意味濃o既野, 所以覺得唔係好夠味, 但夠爽滑頭盤---卥水豬腳仔: 味道啱啱好, 又夠稔頭盤---卥水掌翼 : 味就夠喇, 但個賣相一麻麻, 炆到溶溶地咁主菜---清湯大鮑翅 : 咁大個仔都未食過咁大塊翅 , 條條都粗過牙籤!!! 個高湯都好正, 好濃郁o既金華火腿甘香, 亦唔會話好鹹主菜---原隻四頭南非鮑 : 又係咁富貴o既一道菜, 雖然唔係好明點解咁細舊野要賣到咁貴, 但真係好好味。個汁都好香口, 搞到小弟為左唔浪費啲汁, 立刻叫左個
所以話只係食餐飯就算
點知上菜先知道唔係話食餐普通飯咁簡單
而係一餐都幾富豪o既一餐...
世上只有爸媽好
地點:
家人都一早到逹, 小弟後join
間鋪位於灣仔舊街巿對面, 因為少弟唔熟對面海
而且間鋪個門面都唔係話好顯眼
所以都搵得小弟一陣陣
不過走o既時候發現如果識路的話
其實灣仔站B3一出,行唔洗兩分鐘就到
環境:
鋪面係地下, 但原來營業係一樓
有知客姐姐幫你按lft上樓, 都幾過隱
好有傳統大酒樓o既感覺
但上到去一啲都唔似大酒樓(咁老套)
裝修唔係話非常靚
但都feel到係做中高級餐館路線
環境都算憩靜舒適
食物:
頭盤---海蜤 : 小弟鐘意味濃o既野, 所以覺得唔係好夠味, 但夠爽滑
頭盤---卥水豬腳仔: 味道啱啱好, 又夠稔
頭盤---卥水掌翼 : 味就夠喇, 但個賣相一麻麻, 炆到溶溶地咁
主菜---清湯大鮑翅 : 咁大個仔都未食過咁大塊翅 , 條條都粗過牙籤!!! 個高湯都好正, 好濃郁o既金華火腿甘香, 亦唔會話好鹹
主菜---原隻四頭南非鮑 : 又係咁富貴o既一道菜, 雖然唔係好明點解咁細舊野要賣到咁貴, 但真係好好味。個汁都好香口, 搞到小弟為左唔浪費啲汁, 立刻叫左個白飯。不得不讚係o既係嗰兩舊西蘭花, 好有心機咁落左少少酒辟左啲菜青味
主菜---例牌燒乳豬 : 唔知係咪因為個風口對正張枱, 而小弟又忙於享受隻鮑魚, 食得乳豬黎已經唔係好熱, 雖然係咁, 啲皮仲係好脆。小弟諗作為啲度o既招牌菜, 如果趁熱食會仲好食。用佢題供o既白色薄餅夾住食仲正
主菜---啫啫唐生菜煲 : 個煲熱到啲菜啫啫聲, 名副其實。鹹蝦醬好香, 不過啲菜出得太多水, 係咪師父隔唔晒啲水? 不過都香口惹味
主菜---愛爾蘭蟶子王 : 好大隻 雖然唔夠筷子長, 但已經覺得好犀利!!肉質爽甜, 正!
主菜---生炒骨 : 估唔到生炒骨都可以咁好食! 平時去大排當食, 啲粉又厚又稔, 啲肉又粗。但呢度o既生炒骨, 啲粉唔太厚, 汁唔會話太多浸稔個皮, 而肉汁又保留住係入面
甜品---生果 : 唔洗煮o既野, 冇乜好講
甜品---糖水 : 太飽喇, 與其浪費不如唔食, 所以冇叫到。
其他:
服務態度都ok啦, 雖然我地坐得比較角落頭,
但伙計o既反應都算快。
撇除翅同鮑魚, 其實啲菜都唔算太貴,
平均每道菜都係$68-$98左右,
小弟估計人均消費大概$150左右啦(撇除翅同鮑魚)。
如果要見客, 黎呢度食都應該唔會失禮。
同埋好似話自己帶酒唔洗開瓶費,
難怪後面嗰枱嗰兩個人係度一邊飲紅酒一邊品評紅酒,
似乎係行家。
鳴謝:
咁遲先打呢篇野係因為呢兩個星期比較忙
本身打算過左咁耐都係算數
但小弟實在係想籍呢篇食評, 順道多謝小弟o既父母
請左小弟食一餐咁豪華o既生日飯
不計其煩都係講多次
世上只有父媽好
張貼
