一君士多 (已結業)

上網search尖沙咀有咩食，發現尼間車仔麵好似吾錯，就過黎試下啦。霸王麵🍲個名好霸氣，配料更霸氣，竟然有鮑魚、花膠、廣島蠔同花菇。平時食車仔麵都有可能有花膠，但都係d花膠碎。尼到就比足三、四片大大片嘅真花膠，十分足料。鮑魚同蠔都幾鮮，花菇吸滿蠔油汁，入味。我揀左幼麵底，麵嘅分量都算多。火山之牛飯🍛餐廳好細心，上菜嘅時候個碟係暖嘅，而且有碗牛肉汁分開上，可以自己控制分量。牛肉有五大片，煮得好唸。中間有個生蛋黃，蛋汁撈飯一流。菠蘿冰、龍眼冰🥃🥃菠蘿冰加左好多菠蘿粒🍍，菠蘿味都幾重，所以會偏酸。龍眼冰有淡淡嘅龍眼味，微甜，我幾鐘意。