影片
更多
2006-11-01
9 瀏覽
見咦度d人咁suggest，揾左好耐，終於知道間野係邊。(其實我住係附近，真係...個招牌實在<<唔>>顯眼得緊要)夜晚7:30，我細佬帶我行過去屯門中央廣場，一路人煙稀少，仲要行行下連人影都冇半隻，真係驚行錯地方。到左廣場個停車場入口，佢有個後門寫住"喜喜中國廚房"，不過為左安全，都係行多兩步去正門。成個商場，得地下兩間茶餐廳，其他乜都冇，空框框(幾似拍緊鬼片)。好彩一入正門，望上個電梯，終於見到喜喜兩個大字同個好好笑容既姐姐(知客)。因為怕重陽假期多人，之前訂左位(要卡位)，點知入到去，又係冇乜人，兩邊差不多十張卡位一個客都冇，見到佢入面個大廳，只有一圍，唉...有點兒替佢地擔心。等埋爸媽一齊來再點菜：1. 大少炒飯--用龍蝦肉，鵝肝，火鴨粒炒飯，d龍蝦肉實實在在，唔會好似出面咁得幾條絲，火鴨粒幾香，鵝肝炒之前先切粒煎過再炒，不過好似油左dd，我阿媽一開始仲以為係豬油，不過真係唔錯，d飯炒得粒粒分明但又唔會好硬，而家好少酒家有咁既水準。雖然貴左d(成$128一個)但份量十足，我地四個人每人兩碗炒飯，勁。全晚最正!2. 煎泥鴨--稔住半隻食得曬，差d要
夜晚7:30，我細佬帶我行過去屯門中央廣場，一路人煙稀少，仲要行行下連人影都冇半隻，真係驚行錯地方。
到左廣場個停車場入口，佢有個後門寫住"喜喜中國廚房"，不過為左安全，都係行多兩步去正門。
成個商場，得地下兩間茶餐廳，其他乜都冇，空框框(幾似拍緊鬼片)。好彩一入正門，望上個電梯，終於見到喜喜兩個大字同個好好笑容既姐姐(知客)。
因為怕重陽假期多人，之前訂左位(要卡位)，點知入到去，又係冇乜人，兩邊差不多十張卡位一個客都冇，見到佢入面個大廳，只有一圍，唉...有點兒替佢地擔心。
等埋爸媽一齊來再點菜：
1. 大少炒飯--用龍蝦肉，鵝肝，火鴨粒炒飯，d龍蝦肉實實在在，唔會好似出面咁得幾條絲，火鴨粒幾香，鵝肝炒之前先切粒煎過再炒，不過好似油左dd，我阿媽一開始仲以為係豬油，不過真係唔錯，d飯炒得粒粒分明但又唔會好硬，而家好少酒家有咁既水準。雖然貴左d(成$128一個)但份量十足，我地四個人每人兩碗炒飯，勁。全晚最正!
2. 煎泥鴨--稔住半隻食得曬，差d要打包翻屋企。唔好睇少半隻鴨，真係幾大碟。d南亂汁更"野"味，聞下d鴨，濃濃既紹興酒味入鼻，更香。原本以為隻鴨咁多汁既，原來d汁先正，鴨肉嫩口乾身，咬一半，再沾d汁咬埋果一半，好香。可以用來送飯。
3. 砵酒焗牛仔柳--香香甜甜，d牛柳好軟好滑，酒味比較淡，但又食到砵酒香，好似簡簡單單的一個餸，但功夫可花了不少。連平日很少吃肉的媽媽也說好吃。
4. 金蒜面醬南瓜--即蒜頭+豆鼓+面鼓醬炒南瓜。個菜味道比較重，不過炒得唔錯，南瓜本身又香又甜，加埋d面鼓醬，攪到我地叫多個白飯同白粥來陪碟餸。
5. 白粥同白飯--係度講白飯同粥好似好奇怪。不過都要講下，事關一般係出面食既白飯都很硬，攪到d小朋友同老人家好多時都食唔到。而度d白飯好似屋企自己煮咁，雖然表面有dd乾左少少，但入面d飯好鬆軟，老人家冇牙都食到，軟硬適中，真的一大發現。白粥唔係齋白粥，有干貝架，見到一絲絲，又綿又順口。
6. 飯後甜點--來了桂花糕跟紫米西米露。真係要講下d桂花糕，勁好食。透明既糕入面，每件都勁多桂花，仲有dd蘋果碎，食入口一陣陣桂花香。我食咁多間餐廳都冇一間整得咁好食，落料咁足。幾想問佢來多碟。
d服務員唔錯，會同d客傾好多野。又好好人。雖然d價貴左d，但地方舒服又清靜，服務又好，d野食好過市中心多多聲，而且雖然價錢高左，但每碟野份量都唔少，最岩係4-6人來食。只不過宣傳唔夠，地點又偏僻左d。叫d friend來食野都要教佢地點來。
張貼