又一棧 (已結業)

好一段時間冇黎，裝修唔同晒，豪華左好多，靚左好多，同屋企人黎食午飯，叫左套餐，有：雞絲粉皮：雞絲同青瓜真係切得真係好幼，show 晒刀工，兼且砌得好靚，味道亦都好好。酸辣湯：幾足料，D料又係切得幾幼細，不過辣油多左少少，最尾個淡太多辣油，所以冇飲埋。蝦仁：唔記得咩名堂，不過向來唔太鍾意食酒樓整的蝦仁，所以冇乜食到。樟茶鴨(半隻)：好似自川淮居結業後都未食過喇，咁今次食返，味道都差唔多，好食，但係好似細隻左D，蝴蝶餅分開用大蒸籠上，比較o徒位。燒小羊腿：上台時好似西菜咁的款，唔係太大件，外皮有小小脆，入面D肉都幾滑，幾有羊味。龍眼包子：上次食都係好似係川淮居食，都係咁好食啦~芒果布甸：有芒果肉，唔錯~服務都有禮貌，不過都認同其他人講個句，上菜太慢，可以食完一樣要等一陣先有第二樣到，不過都好過D菜唔跟次序亂咁上。總括黎講，服務同食物好過樓上滬翠園好多。