醉串 (已結業)

雞泡魚干 $58(好食指數:7.5/10)比較少係串燒店可以食到雞泡魚干，食落有口，亦唔會乾到太鞋口，旁邊配沙律醬更帶出味道。五花腩 $28雞軟骨 $16(好食指數:6.5/10)五花腩及雞軟骨以同款烹調方法，不會燒得太乾，略嫌鹹左少少。鵝肝 $88(好食指數:6.5/10)鵝肝做得唔夠香口，而且多士未夠脆。價錢略高！龍蝦芝士火鍋 $98(好食指數:6.5/10)呢個價錢食到芝士火鍋又食到龍蝦的確好抵。龍蝦略嫌唔夠鮮味，麵包亦唔夠脆。烏頭 $98(好食指數:8/10)全晚令人驚喜的一定是這道菜！烏頭以類似整叫化雞的方式，用鹽埋住烏頭，以魚入面又釀了調味菜！