柏屋 (已結業)

出左bonus決定對自己好d，就選擇來米之蓮2星既柏屋試下😁食物賣相好靚，服務欣勤，整體味道好，尤其喜歡所有配食物既sauce,味道真係調得剛剛好。不過前菜既貝類好似唔太夠新鮮，個lunch set 其中一道炸魚太乾。價錢略貴，$700一個人，雖然睇得出個lunch set 絕對有花心思去烹調，但個人認為性價比不高，只是還可以。有去日本食懷石料理既朋友未必會覺得滿足，不過就第一次聽得明晒所有食物介紹，因為用中文😂前菜，個蕨and saurce 非常好，貝唔夠新鮮。個湯幾好，肉丸自家製，不過同一般日式肉丸一樣好淋...鰹魚同鯛魚好味，仲有個好味既酸醋sauce,一流！左面賣相精美，食得出心思右面既炸魚一般。整體好味，個蛋捲少有地滑，有功力！不過個炸魚真係好乾...前後2味都係炸...甜品一般，草莓好甜，但唔欣賞檸檬果凍，好似食到唔新鮮既味...整體是好味同有功架，不過貴左d，冇咩驚喜，唔係好抵食。