HABITŪ table (已結業)

有事過金鐘，順便約朋友 lunch, 就佢方便，訂了Habitu。 記得以前是銀行，但後來改裝成餐廳。地方唔算大，裝修可以叫前衛，但又可以話孤寒，真是見仁見智，所有水渠，冷氣裝置外露，一覽無遺，只用白色物料遮下，我就唔多 like 啦！而且坐位太貼，想講下私密話都唔敢，隔離全部聽到！叫了全日豪華早餐 ，野菌藜麥意大利飯送來的清水都有自己餐廳logo， 專業呀！餐湯是蕃茄椰菜， 番茄味濃椰菜熟到已經融入湯裏，口感舒服！餐前沙律全部是新鮮蔬菜，可以醒下胃全日早餐 - 有烘焙多士、 車厘茄、 菠菜香茅腸、 煙肉、 炒蛋、 黃豆 、煙三文魚，真係好豪華自家製香茅菠菜腸身草青色，感覺好田園， 啖啖肉都有香茅味 ， 烘焙多士出色 ，冇咗水分嘅麵包食落唔乾硬，入口溶化， 廚師技藝非凡。 炒蛋加咗好多鮮奶，香滑可口， 而且厚身， 好似食千層糕咁.野菌藜麥意大利飯， 用蘑菇汁煮，菇味非常濃，加上意式唔太熟的飯，有咬口感兩杯香滑咖啡 ，就完成這個午餐了！其實想食亞麻籽素菜千層麵，可惜售罄了！