影片
更多
2017-11-25
766 瀏覽
自己本身唔係話特别中意食肉餅，所以當朋友話帶我去食肉餅個時我本身話不如試下其他野但朋友話帶我去食既肉餅同一般既唔同，會令我有驚喜，咁就一於等佢帶我去見識下啦晚市黎到，唔係講笑，都真係幾多人啵坐低無耐，店員哥哥唔係放低兩杯茶水俾我地，反而係放低兩碗湯即刻有種食住家飯既感覺添好啦，飲左啖暖笠笠既湯之後，我就睇下呢度有咩特色肉餅先呢度既肉餅真係好特別好多唔同既配搭，淨係肉餠既款式都已經佔左meun既5-6頁！！！除此以外，都仲有一啲小炒同小食可以揀，搞到我都有啲心大心細唔知點揀好添既然一場黎到，一終就食豪啲，揀兩個貴少少既特色肉餅試下先！本身仲想叫個小炒既我俾朋友叫停左，因為朋友話呢度既肉餅飯份量一啲都唔少，怕我地會食唔曬，所以決定食完肉餅先首先黎到既係“足三两花膠肉餅”HKd$108，呢個肉餅我地揀左蒸，仲加左HKd$2轉菜飯見到呢塊“足三两”既花膠已經胃口大開，大大塊既花膠覆蓋住厚身既肉餅配埋充满菜粒既菜飯食都ok啵之後呢款既“惹味鵝肝肉餅(煎)”飯就係煎肉餅黎，同樣加左2蚊轉菜飯肥美既鵝肝煎得剛好，油脂十足！加上煎得香口既肉餅一齊食，果然係惹味之選-我地雖然無叫小炒，但就跟餐加左HKd
但朋友話帶我去食既肉餅同一般既唔同，會令我有驚喜，咁就一於等佢帶我去見識下啦
晚市黎到，唔係講笑，都真係幾多人啵
坐低無耐，店員哥哥唔係放低兩杯茶水俾我地，反而係放低兩碗湯即刻有種食住家飯既感覺添
好啦，飲左啖暖笠笠既湯之後，我就睇下呢度有咩特色肉餅先
呢度既肉餅真係好特別好多唔同既配搭，淨係肉餠既款式都已經佔左meun既5-6頁！！！
除此以外，都仲有一啲小炒同小食可以揀，搞到我都有啲心大心細唔知點揀好添
既然一場黎到，一終就食豪啲，揀兩個貴少少既特色肉餅試下先！
本身仲想叫個小炒既我俾朋友叫停左，因為朋友話呢度既肉餅飯份量一啲都唔少，怕我地會食唔曬，所以決定食完肉餅先
首先黎到既係“足三两花膠肉餅”HKd$108，呢個肉餅我地揀左蒸，仲加左HKd$2轉菜飯
見到呢塊“足三两”既花膠已經胃口大開，大大塊既花膠覆蓋住厚身既肉餅配埋充满菜粒既菜飯食都ok啵
之後呢款既“惹味鵝肝肉餅(煎)”飯就係煎肉餅黎，同樣加左2蚊轉菜飯
肥美既鵝肝煎得剛好，油脂十足！加上煎得香口既肉餅一齊食，果然係惹味之選
-
我地雖然無叫小炒，但就跟餐加左HKd$12要左碟翠綠既菜心
呢兩個飯的確份量超足！！！我地兩個女仔食曬啲餸都飽啦，啲飯都淨左啲食唔曬，好彩有乖乖地無眼闊肚窄姐
飲品就跟餐加左HKd$12要左枝鮮果汁
雖然呢度唔收加一，但服務依然好好，每位店員都勤力快手有禮貌！抵讚
張貼
