嫲孫樂 (環翠商場) (已結業)

今日受左好大打擊，一定要食食食，結果我走左去柴灣嫲孫樂，豪食呀！望住個menu，叫最豪嘅綜合牛肉麵$68，有得加小食，緊係要加！加個台灣腸$18，飲品簡單啲加左杯炭燒烏龍！先講個小食，好抵食！原來$18係兩條腸，賣相有心機，連埋蒜片金不換，成個台灣味出曬黎！再講個麵，麵身好食，好咬口，係有小小痴住，有啲疊住兩條既偏硬！湯底一般，牛筋其中一舊硬，其餘都唔錯！杯茶有驚喜，烏龍唔淡，炭燒味突出，下次可以試其他整體黎講，好似我咁叫法係要經專人訓練，坐係電視機隔離既觀眾切勿模仿，恐怕會飽到暈低！