稻八日式火鍋炸物放題 (已結業)

男胖子今日帶我黎食火鍋~睇一睇餐牌，見到有黑毛和牛set，黑毛豬就食過，黑毛和牛未試過，就決定叫呢個$368嘅餐。湯底揀牛乳牛骨湯，好少見。醬油區一下子個餐就上齊了，好高效率。個餐有超多野食，淨係黑毛和牛都有3個唔同部位，分別係牛肩肉，肉眼上蓋，三角腩，全部都係同一個味，就係好好味。encore多一盒。另外幾盒係安格斯牛小排，美國穀飼牛，豚肉，羊肉，雞片，牛柳粒同牛白肉，仲有個海鮮拼盤。個餐送嘅火炙和牛壽司，讚。再送和牛刺身，好香口！其實仲有得叫刺身，但今晚想專注食和牛就無叫到。最後仲有個自製天婦羅區，完成後可灑上孜然粉，玩味十足。