影片
更多
2019-09-22
489 瀏覽
［一家大細歡聚之選］夜媽媽想食泰國野，隔離果間係又平又好食，但係成日排長龍，見果間門口咁多人就黎左呢間。喂又唔錯喎，可惜可能真係夜，好多野都冇曬。馬拉盞炒通菜，冇曬通菜，諗唔到轉咩之際，店員介紹左呢個—椰菜苗，話好多人嗌嫁。其實就係椰菜BB頭，朋友食到Lam Lam 脷，冇成孰椰菜頭咁硬，但係我覺得又未到爽脆。炒金邊粉，一黎到個外貌幾有驚喜，將蛋漿造到鳥巢咁包住d粉，photoable 😂呢個粉份量大，料就正常份量，每條粉都上到色，但味道一般，偏酸。蛋膜有d乾，冇味。串燒半份，本身係叫3豬3雞，但係黎左2豬4雞，雞就麻麻地，肉質串串唔同，有嫩有乾，不過個調味同雞肉唔多夾，搞到出現微酸。豬串燒先係重點，真係好食，一串大概4粒肉，粒粒大大粒，一咬開肉汁bi 曬出黎，調味同肉配合得好好，令豬肉唔會騷得黎，肉味仲提升左，惹味組合！😍連椰青都賣曬😭😭轉左飲青檸梳打總結：我覺得泰國菜都係多食開心d，可以叫多幾個菜，因為濃味野，獨孤食兩三樣會好快厭膩😱味道：☀️☀️☀️☀️（4）環境：☀️☀️☀️🌤（3.5）服務：☀️☀️☀️☀️（3.5）性價比：☀️☀️☀️🌤（3.5）價錢中間價，不過不失，服務俾錯串燒數量扣左d分。
夜媽媽想食泰國野，隔離果間係又平又好食，但係成日排長龍，見果間門口咁多人就黎左呢間。喂又唔錯喎，可惜可能真係夜，好多野都冇曬。
馬拉盞炒通菜，冇曬通菜，諗唔到轉咩之際，店員介紹左呢個—椰菜苗，話好多人嗌嫁。其實就係椰菜BB頭，朋友食到Lam Lam 脷，冇成孰椰菜頭咁硬，但係我覺得又未到爽脆。
炒金邊粉，一黎到個外貌幾有驚喜，將蛋漿造到鳥巢咁包住d粉，photoable 😂
呢個粉份量大，料就正常份量，每條粉都上到色，但味道一般，偏酸。蛋膜有d乾，冇味。
串燒半份，本身係叫3豬3雞，但係黎左2豬4雞，雞就麻麻地，肉質串串唔同，有嫩有乾，不過個調味同雞肉唔多夾，搞到出現微酸。
豬串燒先係重點，真係好食，一串大概4粒肉，粒粒大大粒，一咬開肉汁bi 曬出黎，調味同肉配合得好好，令豬肉唔會騷得黎，肉味仲提升左，惹味組合！😍
連椰青都賣曬😭😭轉左飲青檸梳打
總結：我覺得泰國菜都係多食開心d，可以叫多幾個菜，因為濃味野，獨孤食兩三樣會好快厭膩😱
味道：☀️☀️☀️☀️（4）
環境：☀️☀️☀️🌤（3.5）
服務：☀️☀️☀️☀️（3.5）
性價比：☀️☀️☀️🌤（3.5）
價錢中間價，不過不失，服務俾錯串燒數量扣左d分。
張貼
