煮道 (已結業)

是晚天氣開始轉涼了，唔係西伯利亞人既女朋友想食熱少少野，竟然係上環搵到呢間一人邊爐!!需要個商場睇落幾伏，但見Openrice Comment都Ok就上去試下啦。一入到去嘩間野同個商場完全唔同Feel，靚十幾廿倍老闆走黎介紹佢地既肉，佢話佢地係用Top 3%既牛肉，用既餐廳一定有左上角個Logo，ok咁就試下啦。佢特別介紹個麻辣湯式，南瓜同番茄。可惜條女唔食辣又唔係南瓜，但就好鬼鍾意食番茄。最後我就叫左個壽喜燒，壽喜燒湯底，女朋友叫左個精選鍋，番茄湯底，都係揀牛。牛係好食既，真係點好食又唔係好形容到，反而!!! 後尾追加左既羊同豬真係食到我HIGH大左。羊肉既羊味出到飛起，直情好似鵝肝咁STRONG，一放落口陣味就散出黎，食完一路留係個口到，嘩頂鍾意食羊既一定!!一定!!要食。豬肉都係好驚喜，佢食落除左味外仲要係爽口既。係冇錯，係爽口，你有幾可見有人用爽口形容肉啊? 有，佢真係咁。