影片
更多
2011-09-13
58 瀏覽
其實，我細佬由細到大，對豬形物體情有獨鍾！尤其係麥兜！即係隻眼多個圈果隻豬呢！ 8 月尾個星期六，我經過中環間 <美心西餅>，見到有麥兜月餅賣！ 真驚喜！於是，我先買張麥兜月餅劵，等到 9 月攞！不過，麥兜月餅真巴閉，唔係間間美心西餅有得攞，係指定分店！ 上環無一間分店攞得，唯有走番去中環德輔道中20號呢間！ 買盒嚟哄小朋友、女仔都 OK！ 我反而買嚟哄呢個大男孩嘅細佬！ 俾個驚喜佢啦！難得香港本土嘅美心西餅與麥家碧兩者破天荒合作，創作成可愛麥兜主題月餅！ 大家見到會唔會唔捨得食呢？麥兜月餅 $118先講包裝，以一個麥兜、麥嘜賞月圖案環保袋裝住，一拉開拉鍊，會見到一個同樣圖案嘅鐵皮箱，唔好忘記睇埋側邊，仲有佢哋班朋友仔喺度玩燈籠！ 打開個鐵皮箱，有四個麥兜壓紋月餅，分別有兩款口味：蛋黃白蓮蓉迷你月餅及紅豆栗子迷你月餅，各兩件！月餅 size 大過半島月餅些少，相信揸住一個慢慢食，先夠過癮！ 但係我要斬開麥兜個頭，俾大家睇吓餡料實況！( 聽落好似幾殘忍！哈哈！) 紅豆栗子迷你月餅 - 主要成份豆沙混合栗子粒，當我一切開個月餅，好似傳統白蓮蓉月餅嘅香味！ 因為加咗花生油
8 月尾個星期六，我經過中環間 <美心西餅>，見到有麥兜月餅賣！ 真驚喜！
於是，我先買張麥兜月餅劵，等到 9 月攞！不過，麥兜月餅真巴閉，唔係間間美心西餅有得攞，係指定分店！ 上環無一間分店攞得，唯有走番去中環德輔道中20號呢間！
買盒嚟哄小朋友、女仔都 OK！ 我反而買嚟哄呢個大男孩嘅細佬！ 俾個驚喜佢啦！難得香港本土嘅美心西餅與麥家碧兩者破天荒合作，創作成可愛麥兜主題月餅！ 大家見到會唔會唔捨得食呢？麥兜月餅 $118
先講包裝，以一個麥兜、麥嘜賞月圖案環保袋裝住，一拉開拉鍊，會見到一個同樣圖案嘅鐵皮箱，唔好忘記睇埋側邊，仲有佢哋班朋友仔喺度玩燈籠！ 打開個鐵皮箱，有四個麥兜壓紋月餅，分別有兩款口味：蛋黃白蓮蓉迷你月餅及紅豆栗子迷你月餅，各兩件！
月餅 size 大過半島月餅些少，相信揸住一個慢慢食，先夠過癮！ 但係我要斬開麥兜個頭，俾大家睇吓餡料實況！( 聽落好似幾殘忍！哈哈！) 紅豆栗子迷你月餅 - 主要成份豆沙混合栗子粒，當我一切開個月餅，好似傳統白蓮蓉月餅嘅香味！ 因為加咗花生油及蓮子，甜味剛好！並非想像中咁甜！栗子粒係舊年貨色！ 聽媽咪講，每年栗子只有一般短時間收成，今年買到嘅新鮮栗子，煮出嚟係偏黃；而舊栗子煮熟後，顏色較啡，所以月餅用嘅栗子係唔新鮮！依相片可見，栗子粒確實不多！
蛋黃白蓮蓉迷你月餅 - 美心出品嘅白蓮蓉月餅係最軟滑！唔係太甜！但係入面粒蛋黃，似乎唔夠一粒！ 可能係雪過關係，蛋黃顯得有點乾！迷你月餅真 CHEAP 兜！竟然一粒蛋黃都唔夠！
我之前仲聽過有憤怒鳥 Angry Birds 冰皮月餅，可能好快搶購一空！唔多覺眼！
張貼
