花斑茶社 (海天晉滙) (已結業)

行將軍澳跨灣大橋，係海天晉匯入邊間花斑茶社買左2杯凍飲，諗住邊行邊飲。但係其實呢間花斑茶社有堂食，裝修仲幾靚，簡約得黎都好舒服，如果調返轉行完海傍或者大橋先黎坐底飲番杯都幾舒服寫意，仲見到好多狗主帶埋寵物黎，我幾個見到未飲已經開心爆😍因為有狗仔睇😂。今次見佢地新出左《春果好茶》🍵，就買左杯 完熟蘋果🍎四季春冰茶 試下，小朋友就緊係飲佢地精選既 黑糖珍珠厚鮮奶🧋 ，首先有驚喜係完熟蘋果冰茶係有得選擇要四季春🥃定紅茶☕，甜度又可以變無糖茶，始終唔係款款都可以轉茶底或者甜度，咁我有小朋友係度佢地實會黎飲啖，所以我都選擇左比較淡味既四季春，入邊仲有蘋果粒🍎，一啖飲落去有齊清甜冰茶🧊加爽口蘋果粒，細女試過後，成杯拎走自己飲冇再俾返我😅。而杯黑糖珍珠鮮奶🧋就變左大女既專屬，彈牙既黑糖珍珠配埋香純既牛奶🥛，我有幸飲到1啖.....其實應該唔走住，飲左覺得好味再買多杯，咁我就唔駛冇野飲.......真豬左🐷