帝樂 - 德國餐廳 (美利樓) (已結業)

每次嚟到赤柱都總會嚟呢間德國餐廳，可能因為香港都唔係有好多食德國豬手嘅餐廳，二來由細食到大，所以嚟到赤柱一定要食德國菜。最鍾意呢度有戶外嘅枱，可以一邊食飯，又可以欣賞赤柱嘅海景。每次嚟到都一定會食德國豬手，同埋德國腸拼盤。真係好signature, 仲要個份量都好大，三個人都食唔晒。最鐘意呢度嘅豬手，原因係個皮夠脆又唔乾，d肉仲係好juicy. 配菜方面就最鍾意薯仔沙律，德國色嘅薯仔沙律係有啲酸嘅，所以會好開胃，配腸仔豬手一流。