一豚豬手專門店 (順寧道) (已結業)

今日行過呢間豬手專門店，見到好多款式嘅滷水嘅野，話明係豬手專門店，所以叫咗隻豬手試試。韓式滷水豬手，隻隻都好大隻，份量十足，一大盒滿晒，睇到d皮嘅顏色都睇到好入味，食落豬手皮煙煙韌韌好QQ,隻豬手唔算太肥，d肉滷得好入味，肉質好彈牙，仲配埋滷水汁比我點，但我覺得唔使點都好好味道。大阪燒脆腩，睇見賣相都好吸引，所以又叫埋呢款試試，個皮燒得非常脆卜卜，爆晒皮，雖然係外賣返屋企食，但d皮完全冇淋到，保持脆度，佢係卷到一個圓筒形去燒，所以d肉汁完全保留晒喺入面，雖然係腩肉位，但一d都唔油膩，勁好食。