一豚豬手專門店 (永德大廈) (已結業)

今日收工返屋企食飯，阿媽叫我加餸，本身諗住去鵝頸橋附近斬料食燒味，不過又食到悶悶地，經過聞到好香，見到呢間一豚嘅豬手賣相不錯，就決定買黎今晚加餸。豬手即叫即斬，師傅純熟刀工斬得好整齊。招牌黑椒豬手黑椒豬手皮好煙韌有咬口，完全唔覺得油，滿滿骨膠原，黑椒味香濃又惹味，鹹度適中，好入味。師傅會再用火槍火炙幾下，令到更加香口。大阪燒脆腩呢個都有驚喜🤩賣相好吸引，圓碌碌嘅燒肉，肥瘦分明，食落去不會太多肥膏又唔乾身，外皮咬落好香脆，食完一件又一件。