德國餐廳 (已搬遷) 新店位置

德國餐廳 #大角咀大角咀博文街15號地舖嗰日咁啱經過大角咀，用app睇吓有咩好食，見到呢間有50% Off，嗌咗一大碟豬手同埋香腸埋單都只係$2xx。見到你有個特別Menu係將啲菜式分咗去唔同地區，包括香港泰國同埋印度，今次就帶咗香港同埋泰國嘅菜式。鹹蛋黃豬手 (香港) $248 廚師已經預先將啲肉拆晒出嚟，份量頗多，不過肉同皮都係分開咗嘅。肉質來講都算淋，不過外皮就略嫌唔夠脆，比較似中式乳豬嗰隻有少少韌韌地嘅皮。肉嘅味道都非常濃郁，反而鹹蛋黃醬就有啲畫蛇添足，加上佢哋鹹蛋黃有少少腥，建議嗌返原味就可以，仲要平$30 lol 味道:3.7/5性價比:3.6/5 冬陰公青咖喱香腸拼盤 (泰國) $172拼盤一共有一條好長嘅黑椒腸、兩條冬陰公腸、同埋一條青咖喱腸，再配上薯角同埋酸菜。都幾特別第一次食到青咖喱同埋冬陰公腸，而且味道都幾夾，不過如果個味可以再突出啲就更好。味道:3.8/5性價比:3.6/5 另外印度嘅菜式就係黃咖喱香腸拼盤。整體來講半價左之後都幾抵食，餐廳環境唔算大，得壹個廚師同侍應，不過個侍應都會同你吹下水，另外呢一間喺屯門新蒲崗大埔都有分店。