熾工房 (已結業)

你地有幾耐無返過母校？之前經過母校就係正學校隔離見到呢間小店，眼見價錢尚算合理，網上評價都幾好，膽粗粗入去試吓。豬扒包賣相好靚，豬扒味道有啲辣辣地，夾埋有大量紅白蘿蔔絲，少少酸帶少少辣，超惹味，最正係個包原來係脆身，一咬入口多重口感，勁好味，超有驚喜。配菜有大量新鮮生菜，配埋醬汁好好味，而且化解到食漢堡包嘅油膩感覺，本身餐牌係跟洋蔥圈，但我改咗做薯條，加幾蚊有埋個黑松露醬，味道即刻大大提升。估唔到食漢堡包都可以見到我最愛嘅芫荽，漢堡包配薯條，始終好似好熱氣，飲呢杯芫莤梳打特飲，味道非常清新解渴之餘好似清下熱氣咁，感覺好爽。