三哥廚房擔擔麵菜飯專門店

營業中

休息中

喺附近住左咁多年都未食過呢間街坊小店，反而係最近搬入嚟嘅朋友介紹我試下，話呢間係佢喺沙漠搵到嘅正野，講到咁巴閉等我試一試。上海排骨菜飯嘅排骨炸得好脆，炸粉薄薄一層，豬扒都幾大塊又厚身，食落係juicy嘅。菜飯比想像中油左啲，但都算ok嘅，唔食菜飯印象中好似可以揀番白飯。擔擔麵我地揀左微辣版，湯底花生醬味好濃郁，係我鍾意嘅味道，麵條都幾彈牙，唔會好漿住個口。整體嚟講都幾好食，雖然唔係驚為天人，但的確喺馬鞍山嚟講算係唔錯。