影片
更多
2019-01-09
465 瀏覽
早前唔覺意係youtube睇到嘉豐嘅太子爺分享自己嘅心路歷程。佢話老豆開舖幾十年,幾個家姐接手之後雖然非常辛苦咁做都好似救唔返盤生意。所以決心返屋企幫手,同時唸計攪吓新意思;咁樣就打出日後(豬扒名牌)嘅名堂**小評一直都保持有話直說嘅態度同大家分享,希望得到多啲同好支持鼓勵下午三點左右嚟到剛啱靠牆座位有人起身埋單,坐落叫咗下午茶餐(豬扒沙律$30+豬扒烏冬$33)豬扒烏冬都OK嘅,大大塊炸得非常香口。有少少油膩,當然調味師傅就唔少得㗎喇。但總體都算係肉質鬆軟合宜。等到豬扒沙律上檯,問題就嚟喇。一睇果塊豬扒黑墨墨,好似跌咗落炭粉堆咁。即時唔敢食叫亞姐姐換過塊唔好咁勁嘅。點知亞姐面有難色咁回答話:唔知師傅肯唔肯換喎我即時話: 我完全未食過,炸到咁重口味我食唔到喎。個亞姐行埋水吧同師傅講咗兩句就返嚟話師傅話係豉油啫,無得換。我同亞姐講: 我同嚟食緊果份嘅豬扒同埋第二檯嘅都唔係咁(黑墨墨),師傅唔好推嘞。亞姐無奈行埋收銀同一個女人講,果個女人同亞姐一齊去水吧。兩個同師傅講咗一大輪之後又係維持原判。最後收銀嘅老闆娘當住師傅面將一份新order嘅豬扒同我(對調)解決咗依個難題。**相片睇到嘅豬扒已
**小評一直都保持有話直說嘅態度同大家分享,希望得到多啲同好支持鼓勵
下午三點左右嚟到剛啱靠牆座位有人起身埋單,坐落叫咗下午茶餐(豬扒沙律$30+豬扒烏冬$33)
豬扒烏冬都OK嘅,大大塊炸得非常香口。有少少油膩,當然調味師傅就唔少得㗎喇。但總體都算係肉質鬆軟合宜。
等到豬扒沙律上檯,問題就嚟喇。一睇果塊豬扒黑墨墨,好似跌咗落炭粉堆咁。即時唔敢食叫亞姐姐換過塊唔好咁勁嘅。點知亞姐面有難色咁回答話:唔知師傅肯唔肯換喎我即時話: 我完全未食過,炸到咁重口味我食唔到喎。
個亞姐行埋水吧同師傅講咗兩句就返嚟話師傅話係豉油啫,無得換。
我同亞姐講: 我同嚟食緊果份嘅豬扒同埋第二檯嘅都唔係咁(黑墨墨),師傅唔好推嘞。
亞姐無奈行埋收銀同一個女人講,果個女人同亞姐一齊去水吧。兩個同師傅講咗一大輪之後又係維持原判。
最後收銀嘅老闆娘當住師傅面將一份新order嘅豬扒同我(對調)解決咗依個難題。**相片睇到嘅豬扒已經係換好咗嘅顏色**
正如劉華話齋: 今時今日,咁嘅態度唔得㗎喇。師傅
原先唸住睇完youtube支持一吓小店,點知原來佢哋有個咁巴閉嘅"豬扒廚皇帝"
張貼
