Artisan Lounge by LUBUDS

營業中

休息中

叫咗個焗豬扒飯，不過應該唔係豬扒嚟，係梅頭，超多肥肉，而且有好大浸膻味，飯好硬，可以話大X樂都好食過佢。樓面有三個後生女員工，距離我哋枱都係幾步距離，曾經招手幾次想落單，都冇人留意到我哋，因為佢哋長期都係度傾計，就算有一下望到我哋，都扮睇唔到。埋單嗰陣，女侍應一行埋嚟第一句就：俾咩呀。(我諗佢意思係俾咩卡埋單)之後問我哋要唔要返張單，我哋話要。個女侍應揭開夾住張電腦單嗰塊板，眼神示意我哋自己拎返張單。第一次見，唔係侍應拎住張電腦單同埋簽卡單，一齊俾返個客人。Lubuds group 旗下嘅餐廳至少都係中檔路線，我都食過好多間，呢間我肯定係我食過員工最唔專業嘅一間，哈哈，應該屋邨酒樓的部長姐姐都專業過佢哋一百倍。呢間我肯定係我食過員工最唔專業的一間。